Vawiin khan Mizoram Chief Secretary Arvind Ray IAS chuan Mamit tlawhin Aspirational District a nihna anga Department hrang hrangte hmalakna tur leh hmachhawp awmte DC Conference Hall, Mamit-ah District chhunga Department hrang hrang hotute nen sawihona neih a ni.
Meeting-ah hian Mamit District chhunga sawrkar Department hrang hrangte chuan harsatna an neihte sawiin abik takin Aspirational District kan nihna-a tehfung hrang hrang hriselna, nitin eizawnna, power supply, zirna lam, tui supply, inthiarna etc chungchangah te a changtu Department hrang hrang ten hma an lak tawhna te leh hmachhawp an neihte tarlangin sawihona neih nghal a ni.
Tarlan tawh angin Mamit District chu India rama District hnufual chawikan ngai 115 zingah thlan tel a nih angin hmalakna hi kal chhohpui mek zel a ni a, Mamit District chawikanna tura hmalakna hrang hrangah te theihtawp chhuaha hmala turin Chief Secretary hian Department hrang hrang hotute hi hrilhin an hnathawh leh hmalakna te enzui pui reng an nih dawn thu a sawi a ni.
Chief Secretay Arvind Ray IAS hian vawiin vek khan Mamit District Hospital tlawhin harsatna an neihte a hmunah a enpui nghal a, Mamit Hmarlama Women Polytechnic sak zawh tawh la luah loh chu, JNV School atana hman hawh tura ruahmanna kalpui mek chu a tlawh bawk.
Vawiin Meeting-ah hian Mamit khawpui chhunga Sawrkar Department hrang hrang hotute an tel a ni.
