Mizoram Secretariat Service Association chuan vawiin khan ATI Auditorium ah General Conference vawi 10 na an hmang a, Pu Lalmalsawma, IAS, Chief Secretary in khuallian niin Conference hi a hmanpui a ni.

Pu Lalmalsawma chuan MSSA te chu sawrkar hnathawk pawl lian ber te zing ami, sawrkar hnuk an ni tih a sawi a. Tunlaiin office kalphung leh inrelbawlna ah te file movement ah te level tam lutuk leh process thui lutuk hian hna a ti muangin a ti khawtlai a, hei hi ennawn a siamthat tum mek a ni tih sawiin hemi chungchangah hian MSSA member te chu an ngaihtuahna hmang a tanpuitu ni turin a sawm. Mizoram sawrkar hnathawkte chu India ram hmun dangte ngaihtuahin hna thawk tha pawl tak kan la ni a a hriat thu sawiin, insiamthat kan ngaihna laite erawh pawm a, in siamtha tura hmalak theuh a ngaih thu a sawi bawk. Mizoram leh mipuite tana thawk kan ni tih in hriat reng a tul thu sawiin theihtawp chhuah turin member te a sawm a ni.

MSSA Confernce hi an President Pu Lalrammawia, Joint Secretary in a kaihruai a, General Secretary Pu C. Lalrosanga’n report pe in rorelna leh infuih tharna hun te hman a ni.

MSSA ah hian member 246 nei mekin Department hrang hrangah an awm a, Mizoram Sawrkar-ah Secretary pahnih an nei mek a ni.