100/2025-2026

Aizawl, the 9^th April 2025 : 7th April, 2025 khan Chief Secretary Pu Khili Ram Meena chuan Social Welfare & Tribal Affairs in Sawrkar Laipui Ministry of Tribal Affairs (MoTA) puihna a a vawikhatna atana National Tribal Youth Festival leh Naupang Pual Kut, State Tribal Resource & Training Centre (STRTC) Kelsih-ah buatsaih chu a hawng.

Chief Secretary Pu Khili Ram Meena chuan Birsa Munda ang tribal zalenna sualtute hriat rengna leh khawtlang hmasawnna leh thalaite telna hmanga tribal nihna tihhmasawn a pawimawh thute sawiin tribal-te eizawnna leh khawtlang tihhmasawn tura Sawrkar inpekna hrang hrangte a tarlang bawk a ni.

He hunah hian Pi Lalzarmawii, IAS, Commissioner & Secretary, Social Welfare & Women and Child Development hnen atangin hawnna thuchah nghaihthlak a ni a.

He festival-ah hian SW&TA Director Dr. Lalhriatzuali Ralte chuan thuchah sawiin, department hrang hrangte inpumkhatna pawimawhzia leh tribal te tana hmasawnna kawnga min kaihruai tura STRTC chanvo a sawi uar hle a. He STRTC hi Tribal Research Institute, (TRI 2.0) atana duan niin, a hmathlir a sawi bawk a, Ropuiliani Museum ang chi project kalpui mekte leh tribal policy leh hmasawnna atana Vision 2047 ang chi hmalakna te a sawi lang bawk a ni.

Mizo culture zia rang pholanna-ah hian Mizo Cultural Organization-in hnam hrang hrang lam hmuhnawm tak an entir a ni a. He Festival hian April ni 10 thleng a awh dawn a ni.