Vawiin chawhnu khan Food & Agriculture Organization (FAO) aiawha lokal, Pu Shyam Khadka chuan Chief Secretary Pu Lalmalsawma a pisaah hmu in inkawm na tha tak an nei. Pu Shyam Khadka hi nimin chawlhni, February ni 14 khan Lengpuiah lo tum in Aizawl a rawn pan chhohna ah lo leh farm thenkhat te a hmunah kalchilh in a tlawh kual nghal a ni.

Chief Secretary chuan Pu Khadka-a chu lo lawmin Mizoram sawrkarin Mizo loneihdan pangngai kalsan tura hma a lak dan tlangpui te sawifiah in NLUP avanga kut hnathawktu ten hmasawnna an hmuh tawh te pawh a hriattir nghal bawk a ni.

Pu Khadka-a chuan Mizoram chu tlangram a nih angin fur ruahtuiin lei tha a luan ralpui thin chu uihawm a tiin, terrace uar zawka siam a ngaih thu a sawi a. Sloping Agricultural Land Technology (SALT) thiamna hi Mizoramah enchhin ve an tum thu a sawi bawk. Kuthnathawktuten an thlai thar atanga hlawkna tel turin link road tam thei ang ber a ngaih thu leh market tha siam a tul thu a sawi nghal bawk. Heng te hi vawillehkhata zawh mai chi erawh chu ni lo mahse Mizoram sawrkar tanpui turin FAO chu an inhuam reng thu a sawi bawk.

Pu Khadka-a NLUP lama officer-te leh UN Programme Coordinator-Mizoram ten lo tawiawmin vawiin chawhnu khan Mizoram University tlawhpui a ni a. Naktuk lamah Thiak khuaah loneitute nena inkawmna hun an hmang zawhah MiSALT training a hmanpui nghal ang.