2680/2026-2027

Dated Champhai, the 14th October, 2026 : Vawiin khan Chief Secretary Pu Khilli Ram Meena chuan Champhai tlawhin hmasawnna hnathawh hrang hrangte a hmunah kalin a enfiah. CS hi Horticulture Secretary Pi Maria CT Zuali, Champhai DC Pu Mohammad Aaquib, Champhai SP Pu Gavit Gogna leh official dangten an tawiawm. 

Chief Secretary Pu Khilli Ram Meena chuan Keilungliah tuikhuah tlawh hmasa berin PHED hotute nen an inkawm a, tuikhuah hman a nih dan leh hmasawnna awm theite an sawi ho a. Keilungliah lui hi kum 2018-ah khuah tan niin, 2023 khan zawh a ni a. Sangha khawi nante, lenkhawthawnna atante leh Champhai khawpui tui mamawh phuhruk nante hman a ni. Hemi hnu hian NEC fund hmanga Passion Fruit Processing Unit sak mek tlawhin, hnathawktute nen khawl bun tawhte an endik a ni.

CS chuan Tlangsama Champhai Winery a tlawh leh a, thawktuten an hna thawh dante an hrilhfiah a. Champhai Winery hi Horticulture Department hmalaknaa siam niin, Champhai Grape Growers’ Society ten an enkhawl a. Kum 2010 khan wine zawrh chhuah tur siam chhuah tan a ni a, a capacity (wine siam chhuah theih zat) hi 38 metric tonne a ni a, Champ Wine leh Champ Wine Premium an siam a ni.