2681/2026-2027

Champhai dated the 14th October, 2026 : Ni hnih cham tura Champhai tlawh mektu North Eastern Council (NEC) Secretary, Pu Satinder Kumar Bhalla chuan vawiin chawhnu khan Champhai thlengin, NEC sum senga hmasawnna hna thawhte a hmunah kalin a enfiah.

NEC Secretary hian NEC fund hmanga sak Zomi Cultural Centre-a hnathawh dan enfiahin, mipui ten tangkai taka an hman thuai theih nan hmabak la awmte chak zawka chin fel a tul thu a sawi a. He Centre hi Champhai mipuite tana man chawia hawh theih tura ruahman a ni a. Centre bulah hian a hmun hawhtuten inhnawh puarna hmun tha an neih nan leh hawi thawven nan cafeteria siam a ni a, Chowkidar awmna tur quarter a awm dawn bawk a. Auditorium hi mi 200 vel len theihna a ni dawn a, sound system leh chair-te pawh a awm sa vek a ni. Basement-ah hian artifacts chi hrang hrang pho chhuahna tur ruahman a ni bawk. 

Hemi hnu hian Hnahsin Kut hmanna hmunhma tlawhin Kut buatsaihtute nen inkawmna neiin an hma lakna fakawm a tih thu a sawi a. Tun aia changtlung zawk leh ram chhung mai bakah rawn pawn mi tam zawk hip luh an nih theih dan tur te a sawipui a ni.

NEC Secretary hi Horticulture Secretary Pi Maria CT Zuali, Senior Research Officer Pi Lalnunsiami leh SDO Sadar Dr. Peter Malsawmtluanga ten an tawiawm a ni.