Vawiin khan Mizoram Bharat Scouts and Guides, Vice President thar atan Chief Secretary Pu Lalmalsawma chu CS Conference Hall-ah lawm luh a ni a. Mizoram Bharat Scouts & Guides Vice President thar lawmluhna Investiture programme ah hian Pu Lalzirmawia Chhangte, State Chief Commissioner, Mizoram Bharat Scouts & Guides chuan Pu Lalmalsawmna hi Scouts thuvawn tiam tirin Vice President thar atan a lawmlut a ni. He inkhawm ah hian Mizoram Bharat Scouts and Guides-a hotulu thahnem tak an tel a ni.

Scouts Movement hi khawvela thalai movement lian ber niin kum 1907 khan Lord Baden Powell’n a tan a. Tunah hian khawvel ram hrang hrang 161 ah he pawl hi an ramah seng lutin member vaibelchhe thum chuang zet an awm mek a ni. India ramah chuan he Movement hi kum 1909 a rawn lutin Bharat Scouts & Guides tih hming chawia kalpui mek a ni.

Mizoramah chuan kum 1932-ah Sap Missionary ten chhim lamah bul an tan a. Kum 1972-a Mizoram UT alo nih khan Education Department hnuaiah Wing pakhat angin Scouts & Guides hi dah a ni a, tunah hian Sports & Youth Services Department hnuaiah a awm mek a ni.

Mizoram Bharat Scouts & Guides-a President nihna hi Chief Minister ni lai mekin an chang zel thin a, Vice President paruk zinga pathum chu thlan niin Vice President dang pathum atan Education Minister, Sports Minister leh Chief Secretary ni lai mekte chu ruat an ni thin a ni.

Tun dinhmun ah hian Mizoram hian Scout Wing hnuai Cub Unit 7, member 169 nei; Scout Unit 72, member 2088 nei leh Rover Unit 2, member 54 nei an awm a. Guide Wing hnuaia Bulbul Unit 13, member 200 nei; Guide Unit 79, member 2319 nei leh Ranger Unit 2, member 40 nei an awm bawk a ni.

Press Release Draft