1729/2022-2023

Aizawl, 26th August, 2022 : Vawiin khan  Chief Secretary Dr. Renu Sharma chuan Tanhril Setlak ram-a UD&PA hnuaia SIPMIU hmalakna, Augmentation of Water Supply and Construction of 37 MLD Water Treatment Plant chu a hmunah tlawhin hnathawh dan leh project dinhmun  a en.

SIPMIU Project Director Pu Lalrothanga'n power point hmangin he project  chungchang hi a sawifiah a. He project hi Tlawng lui atanga tui pump a tih thianghlim a nih hnu ah Laipuitlang a pump thlen tur a ni a, kum 2033 thleng a Aizawl khawpui  tui mamawh phuru tura ngaih a ni. Setlak atang hian tui pipe phum niin tunah hian Vaivawkawn - Hunthar leh Hunthar - Chanmari West ah metre 200 vel phum tur ala awm a ni.

37 MLD Water Treatment Plant hi Aizawl khawpui tana tui thianghlim lakna tur hmun thar niin Aizawl hmar veng hrang hrangte chawm tura duan a ni a. Aizawl Greater Water Supply Scheme Phase I& II aiin a tui pump chhuah theih zat a tam zawk a. Phase I&II hian nitin tui thianghlim litre maktaduai 28 atanga 34 bawr vel a pump chhuak thei a. 37 MLD Water Treatment Plant hian nitin tui thianghlim litre maktaduai 37 pump chhuak thei tura ruahman a ni. Helai hmun hi peihfel a niha  hman theih hunah chuan Aizawl khawpuiin tun aia let hnih a tamin tui thianghlim a hmu thei dawn a, ram pum huapa mi pakhatin nitin tui thianghlim a dawn tur zat bituk  litre 135 hmu thei tura duan chu a takin a hlawhtling thei dawn a ni.

SIPMIU chuan he plant sak hna hi tluang tak leh ngawrh takin a thawk zel a. Sum sen tawh hi Rs.200 crore bawr vel niin hna 92% vel zawh a ni tawh a ni.

CS hi UD&PA Secretary Pu Lalmalsawma Pachuau leh Officer dang ten an tawiawm a ni

Attachment

  • Loading attachment...