1730/2022-2023
Siaha, August ni 26 2022: District Institute for Education and Training (DIET) Siaha hnuaia kum 2020 batch D.El.Ed trainees kumin a passed chhuakte pualin Graduation Day MYA Multipurpose Hall, New Siaha ah hman niin, Pu.Sahlo Bohia, Lecturer DIET, Siaha in a kaihruai a Pu.Lalsangliana, Deputy Commissioner, Siaha in khuallian niin a hmanpuiin, Pu H.Chinliansiama ,lecturer DIET, Siaha chuan hunserh a hmang bawk.
Vawiin hun hmanna ah hian khuallian Pu. Lalsangliana chuan thusawina hun hmangin tuna hlawhtlinna changte hian rahbi thar in rap ṭan mek a, in hma lamah hmasawnna tur tam tak ala awm a, ram leh hnam tan theih tawp chhuah a, zirtirna kawngah pawh ṭan la sauh sauh ang che u ti in trained chhuakte a fuih hlawm bawk a ni.
Siaha DIET hnuai atanga trained chhuak te hi an vaiin mi 41 an ni a, exam zawng zawng 42 ni in mi 41 in ṭha tak in hlawhtlinna an chang bawk.
He hun hmanna ah hian Pu. H. Lalfakzuala, DIET Principal, Siaha hnen aṭangin fuihna thuchah tawi ngaihthlak niin, graduate thar te aiawh a thusawina hun hman a ni bakah, DIET trainees te aṭang zaithiam tak tak te zai ngaihthlak a ni bawk.
Attachment
- Loading attachment...
