Vawiin chawhma khan Deputy Commissioner Office, Lunglei  buatsaihin DC's Conference Hall ah Childline India Foundation, Kolkata chungchang sawihona neih a ni.

Childline India Foundation sawihona hi Pu Benjamin Lalzama, DC, Lunglei in kaihruaiin Pi Lena Basu leh Arunangshu Mondal, Kolkata, Childline India Foundation te chuan he Foundation hi  Ministry of Social Justice and Empowerment, Govt. of India hnuai a NGO pakhat Kolkata a awm  naupang kum 18 hnuailam inchhungkhur ah emaw hmun dangah emaw harsatna hrang hrang  neite tlukluhna atana an hman  ber na a ni h thu an sawi a. Naupang te himna leh hlimna hi Foundation chuan a ngaipawimawh ber a, naupangte kawng hrang hrang a  puih an ngaihnaah  an pui thin bawk a ni.

He Foundation hian naupang harsatna tawk an awm leh tanpui an ngaihin Childline 1098 number ah eng tawng hmang pawh a darkar 24 chhung  biak theih a awmin, an biak atanga reiloteah harsatna tawkte chu an thawhpui NGO te hnenah hmala turin an hrilh vat thin tih an sawi bawk.  Hemi anih avang hian an thawhpui tur NGO Lunglei District atanga inpe turin an sawm a, he Foundation hi 1996 a din niin North East an vil tel a, Aizawl leh Mamit District ah thawhpui tur nei tawhin Lunglei leh Kolosib ah thawhpui tur an zawn leh mek thu an sawi bawk a ni.

Sawihona ah hian a kaihhnawi Dept. thenkhat bak ah NGO's leh Home hrang hrang aiawh te an tel a ni.