Vawiin chawhma khan  Mizoram KVI Board Chairman thar, Pu Lalthanliana, MLA hlui chuan  a Pisa thar  New Capital Complex  a mi  chu Pathian hnenah hlanna neiin a luah  tan.

KVI Chairman Pu Lalthanliana chuan Zoram mipui tihhmasawnna tura KVI pawimawhna te sawiin  Mizoram hmun hrang hranga KVI hnathawkte chu rinawm leh taima taka Zoram hmasawnna atan thawk turin a chah a ni. Dy.Speaker Er Lalrinawma leh Pu Vanlalzawma, MLA hlui, Pu Kaisangzuala, CEO, KVI  leh sawmbik ten he hun hi an hman pui a. KVI Board Chaiman Office thar hlanna hi Pastor Zothansanga'n  a hmang a ni.