Vawiin 14th November 2012 hian Chhim Veng YMA Hall, Mamit-ah Naupangte Ni( Children Day) lawmna hun hman a ni a, He hun hi Aiko, SSA Mission leh District Legal Services Authority Mamit tangkawpa buatsaih a ni.
Inkhawm Pu Thomas Lalrammawia Member Secretary, District Legal Services Authority chuan Ukil rawihna nei lo te tan pan theih an nih thu leh mipuite hnenah dan lam zirtirna an pek thin thute, naupang kum 14 hnuai lam te chu Sikul kaltir ngei tur an nih thute a sawi a ni.
He hun hmanpuitu, Pu Laldangliana DEO, Mamit chuan naupangte chu ngaihven that an tul thu sawiin zirna kawnga tan lak hi ram leh hnam hmasawnna rahbi pawimawh tak a nih thu a sawi a ni.
He hunah hian Naupangten thusawina neiin heta naupangte thusawi-A thlawna zirna dawn, him taka nuna hmasawnzel hi kan dikna chanvo ani tihte,Thutlukna dik min siamsak ula, kan duhdan leh ngaihdan erawh min ngaihthlak sak ve teh u tihte, Chhungkawtha min pe ula, Khawtlang nun tha leh nuam kan pe let ang che u tihte, Naupangte hi ram leh hnam nghahfak kan ni. I hmalam hun chu naupangte I enkawl dan ah a innghat e tihte leh, Tharuma min siamthat tum lovin, kan thinlung hi hneh mai teh ti a an sawi te chuan rilru a khawih hle a ni.
Mamit khawpui chhunga sikul hrang hrangten Special Item neiin hun an hmanga, Naupangte hnenah hian Children Day thilpek hlan an ni bawk.
C. Lalchhuanliani General Secretary AIKO in lawmthu a sawi a ni.
