District Child Protection Committee, District Child Protection Unit leh District Legal Service Authority huaihawtin vawiin khan Children’s Day 2015 chu Mamit Chhimveng YMA Hall-ah ropui taka hman a ni a, Pi Lalbiaksangi District Bawrhsap/Chairman, District Child Protection Committee chuan khuallian niin a hmanpui.

Children Day hmanna ah hian Pi Lalbiaksangi chuan naupangte chu Children Day chibai bukin, ram hruaitu ropui Jawaharlal Nehru piancham hriatrengna a tan India ram pumah Chilren Day hi hman a nih thu a sawi a naupangte chu an zirlaiah taima taka zir tur leh taimakna hian thiam theihna a keng tel a ni tih hre tel bawk turin a chah, Hriselna a tan faina ngaipawimawh turin leh chaw ei dawn chauh ni lovin fai taka kut silh ziah turin naupang kalkhawm te a chah bawk.

Vawiin Children Day hmanna hi Pu R. Lalrinhlua, District Child Protection Officer chuan a kaihruai a, he hunah hian Mamit Khawpui chhunga Middle School zirlai te leh an zirtirtu an tel a,School hrang hrang a tangin naupang ten zai leh lamte an entir a ni.Children Day pual hian Poster inziahsiak Primary, Middle School leh High School tana buatsaih a ni a. Hei bakah hian Tukin zing dar 6:00 khan Children Day Run Mamit GSA Playground ah neih niin hetah hian Cl VII hnuai lam zawng leh Cl VIII-Cl-X te tan intlansiak buatsaih a ni a, zirlai naupang 1000 vel children’s Day Run ah hian telin District Bawrhsap in a vailiam a ni. Intihsiakna hrang hrangah hian lawmman pakhatna atanga pathumna siam niin Children’s Day Run ah hian Hmeichhia leh Mipa a hranga lawmman siam a ni bawk.