Vawiin khan hmun hrang hrangah Naupangte Ni hman a ni a. Raj Bhavan-ah pawh he hun hi hman a ni a. He hunah hian  Governor PS Sreedharan Pillai ruahmanna angin Aizawl chhunga Sikul 5 thlanchhuah atanga sikul naupang za rual lo lenglutte chuan Raj Bhavan fan kualna leh intihlimna hun an hmang a ni.

Kum hmasa lama lo tih tawng ang bawkin Function tawi, Children's Day pual hian Multipurpose Hall, Raj Bhavan-ah neih hmasak a ni a. He hunah hian Pu K. Lalthawmmawia, Secretary to Governor hnen atangin Raj Bhavan chungchang ngaihthlak a ni a. Hemi hnuaah hian Sikul Naupangte hi Heritage Building chhung leh  Raj Bhavan chhunga hmunhma te fan kualpui an ni a. Sikul panga - Government Model English Medium PS, Ramhlun North, Govt Rev. Thianga PS, Bethlehem Vengthlang, Govt Model English PS, Chanmari, Government Boys Model English Medium PS, Sikulpuikawn leh Govt Model English Medium PS, College Veng te an tel a ni.