Children’s Film Society, India(CFSI) leh Directorate of School Education tangdun chuan January ni 30 atanga February ni 3, 2017 chhung hian Film kutpui an buatsaih dawn. Aizawl khawpui chhunga zirna in thlanchhuah 12- ah zirlaite tana zirtir nei tha Film hmuhnawm leh zitir nei tha tak tak tihchhuah a ni ang.

He Film Kutpui hawnna hi January ni 30, 2017(Thawhtanni) ah Edenthar Government Primary School-ah neih a ni ang a, hetah hian ‘Kima Ro Phumruk’(Kima’s Lode) tih film chhuah a ni ang a. He kutpui chhunga Film tih chhuah tur zingah chuan Mama, Little Varju, Sunday tih leh The Friend tihte a tel a ni.

Film kutpui neihna hmun tur hi Edenthar Government Primary School, Dawrpui Vengthar Middle School, Dawrpui Primary School leh Middle School, PC Girls School, Govt. Kulikawn Middle School, Mary Mount School, Bawngkawn Primary School II , Govt. Zuangtui Middle School, Bethlehem Vengthlang Primary School I, Thiak Government Middle School, Aibawk Government Middle School leh MICE, Tuikual te a ni.

Film kutpui neih chhung hian Quiz Competition neih a ni ang a, heta tel naupangte hi lawmman pek an ni ang. Children Film Society, India(CFSI) hian a tha zawnga rilru kaihruai thei tur ennawm tawng chi hrang hrang 10-in film 250 chuang a tichhuak thin a. CFSI hi Asia chhimlamah chuan naupang en chi film tha tichhuaktu langsar ber a ni a, kum tin ram hrang hranga naupang maktaduai 4 chuang tan film tha an tichhuak thin a ni.

CFSI hian naupang film tihhmasawnna turin nasa takin a bei a, India leh khawvel huapin naupang film tihhmasawnna kawngah a thawh hlawk hle bawk.