Vawiin chawhma dar 10:00 am khan Mizoram School Hostel Infrastructure, Facilities and General Care of Students(Management) Rules, 2016 State Level Monitoring Committee chu Directorate of School Education Conference Hall, Mac Donald Hill, Zarkawt-ah an thukhawm a. Pu S.T Zaduna, Joint Director, School Education kaihruai meeting chuan Hostel Rules, 2016 tlawhchhanin Hostel hawn phalna mi 24 hnenah a pe a ni.
State Level Monitoring Committee meeting-ah hian District hrang hrang -Aizawl, Lunglei, Champhai, Lawngtlai leh Siaha District atanga Hostel hawn dilna lut 58 te chu thlirho niin, heng zinga 24 te chu Government of Mizoram Notification (dated 28th March, 2016) Hostel Rules & Regulations for Hostels in Mizoram-in a phut ang thlapa kalpui a nih angin Hostel hawn phalna (Permission) pek an ni. Heng bakah hian Aizawl, Lunglei, Champhai leh Siaha District atanga Hostel hawn dilna 44 te chu Monitoring Team hian enfiah mekin phalna pek theih thuai beisei a ni. State Level Monitoring Team hian thlaleh February,2017 chhung khian Hostel thlan bikte a hmunah kalin an enfiah hlawm dawn a ni.
Vawiin State Level Monitoring Committee on Hostel Rules meeting-ah hian Social Welfare Department, Health & Family Welfare Department, School Education Department, SCERT, IASE leh Mizoram State Council for Child Welfare-a officer te an tel a ni.
- Loading attachment...