Vawiin khan UD&PA Department,Mamit hnuaiah Childrens Sanitation Club (CSC) chu Zawlnuam-ah din a ni.

Zawlnuam  Vengpui YMA  Building-ah Pu Lalfakawma  Chhakchhuak, BDO kaihhruainain hun hman a ni a. BDO Zawlnuam chuan faina kawngah Zawlnuam chu khaw entawntlak tak an nih thu a sawi a. Chumi chhunzawm zel chu kan tihtur a ni a ti.

Childrens Sanitation Club  hawngtu Pi Laltharzeli, Ambassador, Swachh Bharat Mission (Gramin), Mamit District chuan UD&PA Mamit-in khawpui faina kawnga hma an laknaah  naupangte  tawiawm turin a sawm a. Zawlnuam-ah  CSC din a ni ta chu lawmawm a tih thu sawiin naupang zawng zawng, veng hrang hranga  awm te pawhin vawiina  Zawlnuam khua  a an hawnna hi tawmpui a, Member ni vek turin a sawm a ni. Tuna khawfai tak an nihna chu naupangten  enkawl chhunzawm zel a, an nu leh pa an U-te hnungzuitu an nih ngei a ngai a ni a ti bawk.

UD&PA Dept hnuaiah hian Mamit leh Zawlnuam-ah CSC hmun 4-ah din a ni tawh a. Zawlnuam CSC hawnnaah hian naupang 120-in hming an ziak lut nghal a ni.