Vawiin chawhnu dar 1:00Pm khan District Co-ordination Committee Jal Shakti Abhiyan ,Siaha te bultumin Jal Shakti Abhiyan Awareness Campaign on Water Conservation and Rain Water Harvesting, Siaha RD Block ,BRC Hall-ah hman a ni.

He hun hi Pu. T. Vanlalmalsawmsanga Project Director, DRDA  in kaihruaiin, Pu. Bhupesh Chaudhary, IAS Deputy Commisioner, Siaha chuan khuallian niin a hmanpui.

Khuallian chuan Siaha District chu Mizoram District zinga tui tlachham Satellite atanga hmuh awm chhun anih thu sawiin, tuihna humhalh leh renchem chu mitin mawhphurna anih thu a sawi a. Tuihna humhalh tur hian mahni inchhungkhur atanga tan a, khawtlang leh ram pum huapa hmalak a tul a, ruahtui khawl khawm leh thingphun uar a tul zia te sawiin, kal khawm te chu an in chhungkhur theuh atanga hma la tan turin a sawm hlawm bawk a ni.

Vawiin hun hmanah hian Pi. Racheli, Scientist Plan & Protection, KVK, Siaha chuan Power Point Presention hmangin Tui hna humhalh leh tui renchem dan zirtirna hun a hman bakah zawh leh chhanna hun hman nghal  niin, kalkhawm ten an hlawkpui hle.

Vawiin hun hmanah hian Department hrang hrang aiawh te leh Govt Saiha College zirlai te, DIET zirlaite, an zirtirtute leh V.C te bakah NGO hrang hrang aiawh te an tel kim hle a ni.

Pu. Ngulzathuama BDO, Siaha RD Block chuan lawmthu sawina in he hun hi a titawp a ni.