January ni 29, 1892-a Calcutta Fort William-a neih champha vawi 125-na lawm paha inpumkhatna leh insuihkhawmna tha zawk a awm theih nana Zo Reunification Organization (ZoRO) General Headquarters in Chin-Lushai Conference nithum awh programme Kolasib Diakkawn YMA Conference Hall-a an buatsaih chu vawiin khan Pu John Rotluangliana, Minister FCS&CA, Transport etc. in a hmanpui.

Thusawiin Pu John Rotluangliana chuan zohnahthlak te thinlung takin inpawhna leh inunauna kan nei tlat a, he thinlung hi engmahin a hneh theilo a ni a ti a. 'Mizo Nationalism' tih hian hnamdang huat a kawk lova, mahni hnam a chian a hnam inpumkhatna leh hmasawnna lama ke pen a kawk a ni a ti a. Khawi hmunah pawh awm ila Mizo chu kan inpawhin kan innel nghal mai zela hei hian mizo nih a tinuam a ni tiin, Thalai kalkhawm te mizo nih leh kristian nih zahpui ngailo turin a chah a. Minister hian ZoRO thalai ten zohnahthlak insuikhawm nana an hmalak zelna atan Rs.1 lac a pe a ni.

Vawiin a hun hman hi he conference ni hnuhnung ber a ni a, cultural programme hlimawm tak hman ho a ni a. Chawhma lam hian palai ten rorel inkhawm an nei bawk a ni. Tarlan tawh angin Chin-Lushai Conference-ah hian Mizoram chhung leh pawn atangin zohnathlak hrang hrang an kalkhawm a ni.