Mizoram Governor Lt Gen Nirbhay Sharma, PVSM, UYSM, AVSM, VSM, (Retd) chuan January ni 28, 2017 (Inrinni) khan Uttar Pradesh-ah an Governor Pu Ram Naik chu a chenna Raj Bhawan-ah tlawhin state 2 inkara inlaichinna leh thawhhona tha zawk awm theihna kawng hrang hrang an sawidun.

Mizoram Governor chuan Lucknow-a Army Central Command hmun pawh a tlawh a, hetah hian GoC Central Command Lt Gen Balwant Singh Negi, UYSM, YSM, SM, VSM**, PhD hovin sipai hotu dangten Larsap hi an lo hmuak a. Central Command-a officers te nen zing thingpui kilin Mizoram Larsap chuan ram tana an inpekna leh hnathawh a fak a, mipuite himna leh rampuma ralmuanna awm theih nan sipaiten theihtawp an chhuah thin chu a fakawm hle a ni, a ti.