Vawiin khan D.C Conference Hall, Mamitah Pi Lalbiaksangi, Chairman Mamit District Fire Prevention Committee, District Bawrhsap ni bawk hovin kum 2017 Fire Prevention Week hawnnna hmandan tur rela thutkhawm a ni.

Meeting hian Fire Prevention Week hi Mizoram sawrkar ruahmmanna angin Dt 6-11 Feb chhunga hman ni se tiin a rela, week hawnna hun hi Dt 6 Thawhtanni ah I&PR Conference Hall- ah chhun dar 12:00 ah hman ni se tih a ni, programme kimchang duan nghal a ni.

Committee Chairman Pi Lalbiaksangi chuan kangmei ven kawngah nikum chhunga Mizoram District pariat atanga pakhatna kan nih angin hei hi ni leh ngei tura tan la turin member te a sawm a, Kumin kangmai ven hapta thupui atan hian “Ram Tikangtu Ram hmelma” tih chu hman a ni ang.

Kumin kang mei ven Hapta pual hian District chhunga ramkang veng tha khua thlan chhuah leh ni se tih a ni a, Group YMA Conference na khaw hrang hrangah kangmei ven kawnga hmalak tulzia inzirtirna neih leh ni se, kangmei ven kawnga thu chhuah tha YMA chanchinbu te tan lawmman siam ni leh se, tih te rel a ni.

Meeting hian kumdanga tih thin angin District Level Committee ti chak turin Fire Prevention core committee din leh ni se tiin a rel a, Chairman atan District Bawrhsap niin Member Secretary ah DFO, Mamit chu ruat a ni, Member atan heng mite hi Committee chuan a ruat nghal, SP, Mamit, Addl D.C, Mamit, Project Director, DRDA, DLAO, Chairman Joint, V.C President, Sub Hqrs YMA te an ni.

Meeting-ah hian Mamit District Level Fire Prevention Committee Member te an tel tha hle.