2940/2022-2023

Aizawl 5^th December 2022: Mizoram State Sorkar Notification No.B.12021/10/04-TRP Dt.22.8.2008 leh Section 115 & 117 of MV Act, 1988 in thuneihna a pek angin Senior Superintendent, Traffic chuan a hnuai ami ang hian thupek a chhuah.

PWD, Aizawl Road North Division-I te’n Ni 6.12.2022 (thawhlehni) atang hian Chite Lei (Bridge) atanga YRC, Falkland inkar kawng siamthat hna nitin Zing dar 9:30 atanga Tlai 5:00 thleng an thawh dawn avangin hnathawh hun chhungin helai kawng hi khar/Block ani dawn tih mipuite kan inhriattir a ni. 

He thupek hian hna thawh zawh a nih hma chu a huam ang. Tin, hnathawh tibuai thei turin hnathawhna huam chhung kawngpui ah lirthei leh bungrua engmah park/dah phal a ni lo. 

He thupek hian chhiatrupna thil; kangmei leh emergency kaihhnawiha duty, Dan leh Thupek pawimawh bika Duty-te chetvelna a huam lo ang.