3510/2024-2025

Champhai, 13th December 2024: Champhai Officers’ Club (COC) chuan kum danga an lo tih tawh thin angin an pawl President Dr. Zatluanga, DMS, Champhai District Hospital leh Patron Pu VL Remliana, Champhai Bawrhsap hovin vawiin khan Champhai khawpui chhunga Home hrang hrang 9 bakah District Hospital Champhai leh District Jail Champhaite an tlawh a, Chrismas pual luanchhuahna hun an hmang.

COC Member-te hi Team 5 ah insemdarhin an che chhuak a, Champhai khawpui chhunga Home 9; Rose Childrens' Home, Observation Home, Genesareth Chirldrens Home, Shakti Shadan, Metakhen Reformation Centre, Grace Receivers' Home, Mazuia Memorial Home (TNT), Emmanuel After Care leh Gosen Home-te bakah District Jail Champhai leh District Hospital Champhaite tlawhin Christmas mas pual luanchhuahna hun an hmang a. Vawiin Champhai Officers' Club luanchhuahna kaltlang hian hmun 11 ah tanpuina pawisafai Rs 82,000/- sem chhuah a ni.

Champhai Officers' Club (COC) hi kum 1992 a din niin, tun dinhmunah member 120 chuang hret an awm mek a. Pawl member-te sum thawhkhawm hmang hian mamawhtu leh ṭanpui ngai te an lo pui fo tawh ṭhin a ni.