3509/2024-2025

Aizawl the 13th December, 2024 : Vawiin ni 13.12.2024 (Zirtawpni) khan Dr Vanlalthlana, Hon’ble School Education Minister hmalakna in Govt. Republic Higher Secondary School & Govt. Republic High School-ah IIT Madras & NIT Mizoram a Professor leh Zirlaite chuan SCHOOL OUTREACH programme an hmang a. He programe hi Science Promotion Wing, SCERT, Mizoram leh Zoram intellectual, Space, Science & Technology Association (ZISSTA) te tangkawpin a buatsaih a ni.

He School Outreach programme hi Dr. David Thawmthanga, Executive Member, ZISSTA chuan kaihruaiin India ram kilkhawr zawka zirlai naupang ten hamthatna an chan theihna tur atana he programme hi duan a nih thu a sawi.

Dr. Sukanta Roy, Dean Academic, NIT Mizoram chuan thu sawiin, NIT Mizoram hi India rama zirna in tha pawl a nih thu sawiin Mizoramin 50% quota a neih thu a sawi a. Mizo naupang te chu heng quota hnawhkhat thei tura theihtawp chhuah turin a fuih.

Prof. Sudarshan Padmanabhan, Professor of Philosophy, IIT Madras chuan India rama zirna in tha ber IIT (No. 1 IIT Ranking) a lut thei tura inzir turin naupangte a sawm a, IIT luh theihna tur atana kawng pawimawh tak tak a sawi. Pu F. Lalliansanga, Deputy Director (SPW), SCERT chuan Mizoram a Science & Mathematics zirna tih hmasawn nana Department hmalakna leh naupangte hamthana chi hrang hrangte a sawi bawk.

Heng bakah hian IIT Madras leh NIT Mizorm zirlai ten an tawnhriat atangin India rama zirna in tha zawk a luh dan kawng an kawh hmuh a. Thiamna dik tak nei tur leh JEE/JEE Advance/NEET paltlang theih nan NCERT Textbook hi a rintlak ber thu an sawi a ni. National Scholarship Portal atanga naupang te hamthatna awm thei leh a dil dan kawng kawhhmuh bawk. High School te hian an hriat duh leh an zawhna neih te zawtin hun hlawkthlak tak an hmang a ni.