2478/2025-2026

Kolasib: Dated the 2nd December, 2025: Vawiin khan Major General Kulvir Singh, SM ** Commandant thar Counter Insurgency and Jungle Warfare (CIJW), Vairengte chuan, Kolasib Deputy Commissioner Office a rawn tlawh a. District Bawrhsap Pu Robert C. Lalhmangaiha leh sawrkar mi pawimawh te nen DC Office Conference Hall-ah thutkhawmna neih zui nghal a ni.

District Bawrhsap Pu Robert C. Lalhmangaiha chuan thutkhawm hi a kaihruai a. CIJW Commandant thar Pu Kulvir Singh in, Deputy Commissioner Office Kolasib a rawn tlawh chu thinlung takin lawmawm a tih thu a sawi a. Kolasib District chhunga sawrkar lama hotute leh CIJW Vairengte nen thawhhona tha tak neih zel a pawimawh thu sawiin, sawrkar hmalakna kawng hrang hrangah thawhhona thatak nei chhunzawm zel turin duhsakna a hlan nghal a ni.

He thutkhawmah hian Pu Kulvir Singh chuan CIJW Vairengte chu sipai training na hmunpui a nih avangin khawvel hmun hrang hrang atangin sipai training turin an rawn pan thin thu a sawi a. An hnathawhna ah mipui te tana tangkaina an nei ve thei anih chuan theihtawp a puih an inhuam thu a sawi a, District administration nen pawh thawhhona tha tak an neih zel chu pawimawh a tih thu a sawi bawk. ESM welfares chungchangte, Sainik Aramghar te leh ZSB office chungchang tawite in a tarlang bawk.

He hunah hian Sawrkar lama District Officials te, CIJW hotute leh NHIDCL hotute an kalkhawm a ni.