3159/2024-2025

Dated Lawngtlai, 22nd November, 2024 : Deputy Commissioner's Office, Lawngtlai District bultuma 'Citizen Care- Grievance Redressal Day' (Khua leh tuite Ngaihsak-Harsatna Chinfel Ni) hman lo nitawh chu a thawh li  nan  vawiin khan BDO Conference Hall, Sangauah hman a ni leh a. Tlai dar 1:00 atanga dar 4:00 thlengin sawrkar department hrang hrangte chu mipuite dawr theihin an inpho chhuak a ni.

Khua leh tuite Ngaihsak-Harsatna Chinfel Ni' puala hun hmannaah   hian sawrkar Department 15 - Superintendent of Police (SP), Executive Engineer (PHED), Executive Engineer (P&E), Executive Engineer (PWD), District Research Officer (DRO), Chief Medical Officer (CMO), District Transport Officer (DTO), District Commissioner of State Tax, District Civil Supplies Officer (DCSO), Project Director, DRDO,Lawngtlai, SDO (Sadar),  Election Officer (EO),  District Education Officer (DEO)  leh  Lead Bank Manager (SBI) bakah  BDO, Sangau,  te chu mipuite dawr theih turin dawhkan hrang hrangah an inpho chhuak a ni.

'Khua leh tuite Ngaihsak-Harsatna Chinfel Ni' hman tawhah mipuiten  hlutin an ngaipawimawh hle a, mi thahnem takin department hrang hrang inpho chhuak te hi dawrin, harsatna an neih ang angte an thlen nghal thin a. Vawiin Sangau a hun hmanna pawh hi mipuiten hlutin an ngaipawimawh hle a; Lawngtlai kal kher ngai lo a, sawrkar official-ten an lo kal chilh chu thinlung taka an lawmthu an sawi a. Mi thahnem takin sawrkar department hrang hrang inpho chhuakte hi dawrin an harsatnate an thlen nghal a, hlawk thlak an tih thu an tarlang bawk.

Vawiin 'Khua leh tuite Ngaihsak-Harsatna Chinfel Ni' puala hun hmang tur hian Pu Cheemala Siva Gopal Reddy, IAS, Lawngtlai bawrhsap, Pu Lokeshwaran R, Lawngtlai Superintendent of Police, Pu Zoramsiama Hmar, Addl.DC, Pi Margaret J. Vanlalremmawii, SDO (S), Pu Robert S. Beihrosa (SDPO), Pu Dinesh Kumar Muhal, IAS ( SDC)  leh department hotuten Lawngtlai atangin Sangau hi an pan a ni.