3156/2024-2025

Dated Kolasib the 22nd of November, 2024 : Vawiin khan Summary Revision of Village Council Electoral Roll 2025 neih mekah Village Council (non 6th Schedule Areas) Draft Electoral Roll  chu Kolasib  DC Conference Hall ah Pu Robert C Lalhmangaiha, Kolasib District Election Officer chuan a tlangzarh.

Pu Robert C Lalhmangaiha, DEO leh Kolasib DC ni bawk  chuan vawiin a VC Draft Electoral Roll tlangzarh a a awm thei chu lawmawm a tih thu a sawi a, he Draft Roll tlangzarh a nih theih nana thawktute chungah lawmthu a sawi bawk. DEO chuan Rolll revision kal mekah roll a thunluh leh paichhuah ngaite uluk taka thlir angai a, Roll felfai leh rintlak a awm theih nan Election office a thawktute, BLO/VLO te leh tlawmngai pawl te chu thawhhona tha tak an neih a pawimawh a ni, a ti. DEO hian Draft Roll tlangzarhna a neih zawh hian Summary Revision of Draft Electoral Roll copy hi Party aiawhte leh AERO te hnenah a hlan nghal a ni.

Vawiina Village council Draft Electoral roll tlangzarh tak in a tarlan dan in Kolasib District chhungah VC 56 awmin Voters hi mi 64134 an awm a . Heng zinga 33120 hi hmeichhia niin, 31014 hi mipa an ni thung . Draft VC Roll tar chhuah tak hi MLA Final Roll 2022 atanga lak chhuah a ni. Vairengte II VC ah voters tam berin 3672 an awm a, a tlem ber na erawh Saihapui V Village Council niin Voters 178 an awm a ni.

Vawiin a Draft Roll tarchhuah hi hming thunluh, paih, insawn ngai leh siamthat ngaite tan dilna thehluh theih a ni a. January 6, 2025 ah Final Roll tarchhuah a ni ang.

Kolasiba VC Draft Electoral Roll tarchhuahnaah hian kolasib District chhunga ERO, AERO, Elections Officials, tlawmngaipawl aiawhte leh Party aiawhte an tel a ni.