Central lama
NDA Sawrkarin The Citizenship Act,1955 tidanglam turin The Citizenship
(Amendment) Bill, 2016 chu Ni 8.01.2019 khan Lok Sabha-ah pass a lo ni ta a. He
Citizenship (Amendment) Bill, 2016 hi Mizoram Sawrkar chuan a duh lovin a dodal
tlat a, Ni 19.06.2018 khan Home Department kaltlangin 16th Session
of the 7th Mizoram Legislative Assembly ah he Bill duhlohna leh
dodalna hi resolution put luh niin Mizoram Legislative Assembly a party hrang
hranga member zawng zawngte chuan Ni 28.06.2018 ah hetiang hian resolution an
pass a ni;
“That this House resolve to impress upon
the Government of India its unequivocal opposition to the proposed Citizenship
Amendment Bill,2016 that seeks to amend the Citizenship Act, 1955 to make
illegal migrants eligible to be given Indian Citizenship on the basis of
religion”.
Ni
10.01.2019 a Council of Minister thukhawm chuan Citizenship Amendment Bill 2016
Lok Sabha-in a lo pass tawh hi pawi an ti a, Rajya Sabha-ah a tlang lohna turin
a tul angin hmalak ni se an ti.
Ni
14.01.2019 a kan Chief Minister zahawm takin India ram Prime Minister a hmuhin
Citizenship Amendment Bill 2016 hi Mizoram Sawrkar leh Mizoram mipuiten an duh
lo a ni tih a thlen a ni.
Ni
15.01.2019 khan kan Chief Minister zahawm takin Union Home Minister pawh he thu
hi a sawipui leh a ni.
Ni
18.01.2019 a Union Home Minister-in Citizenship Amendment Bill 2016 chungchangah
Mizoram Chief Minister leh Meghalaya Chief Minister te a koh a, a sawipui
lehnaah pawh kan Chief Minister hian Citizenship Amendment Bill 2016 hi Mizoram
mipui leh Mizoram Sawrkar in kan duh lo a ni,a ti a, he bill hi Rajya Sabha-ah
pass tawh lo tura a duh thu chiang takin a hrilh bawk a ni.
Republic Day hi India ram leh mipui zawng zawng ta a ni a, Central Sawrkar ta bik a ni lo tih hria in Rebuplic Day 2019 lawmna (Celebration) boycott tura thutlukna siam tawh chu sut leh turin a ngen a ni.
Uluk,
ngunthuk leh zau taka sawiho a nih hnu in, Home Minister zahawm tak chuan NGO
Coordination Committee hruaitute chu Republic Day, 2019 Boycott an tum chu
Boycott lo tura lo ngaihtuah nawn leh turin a ngen a ni. Boycott kaltlangpui an
tum a nih pawhin Rebuplic Day, 2019 lawmna function a tel tur Sawrkar mi leh
sate chu, an tihtur reng a nih avangin, an Constitutional obligation zah sak
hram turin a ngen a ni.
