Vawiin khan AH &Vety Department hmalakna hnuaiah Disease Suiveillance Awarness Campaign Kahrawt YMA Hall-ah neih a ni.
Campaign-ah hian Kum 2013, 2016 leh 2018 chhunga PRRS hrileng leh PRRS avanga ran thi zat zirchianna tarlan a ni a, zirchiannaa a lan danin Kum 2013 chhung khan Ran thisen test zawng zawng 4029 atangin PRSS vei 745 hmuh chhuah niin ran 3806 an thi a. Kum 2014 chhunga ran thisen test 351 atangin PRSS vei 200 hmuh chhuah niin ran 4699 an thi a, Kum 2018 khan ran thisen 4241 test zingah PRRS vei 777 hmuh chhuah niin ran 2574 an thi bawk nia report a ni.
He Awareness Campaig-in a tum ber chu Mizorama ran hrileng dinhmun zirchian leh hrileng mai thei laka inven dan tur zirho te, ran hri a len lohna tura ram dang leh hmun dang atanga ran a luh lohna tura hmalak te, ran hrileng a darh zel lohna tura hmalakte bakah Kum 2023-ah Animal Disease Free State kan nih theihna tura tan lak te a ni a. Heng bakah hian hemi hmang hian Sa, Bawnghnute leh Artui kan intodelh theihna tura tan lakte leh tualchhung bazar mai ni lo, India leh khawvel ram dang Bazar thleng pha tura ranvulh lama tan tak te tum a ni.
Disease Suiveillance Awarness Campaign hi Furpui thlen hma ngeia Mizorama District hrang hrangte tuam chhuah tum a nih thu Dr Lalnunhlima Ralte, Deputy Director chuan a sawi a. He Campaign hi AH&Vety Directorate atangin Dr. F Laltanpuia, Deputy Director (Hospital) leh Dr. C Neihthangpuii, Veterinary Officer (Hospital& Dispensary) te'n an rawn hmanpui a ni.
