No.432/2021-2022

Aizawl the 6th May, 2021: CIVIL HOSPITAL, AIZAWL COVID 19 (RAgT) TEST DAN TUR(Protocol)

Damlo :-
- Damlo admit tur zawng zawng te Covid-19 (RAgT) test vek tur a ni.
- OPD leh Casualty atanga damlo mahni a kal thei admit turte chu Generic Drug Store (Covid Screening room) ah RAgT tih vek tur a ni.
- Damlo na zual leh nau nei mai turte chu an ward-ah sample laksak tur a ni, Test angaih avanga anmahni enkawlna tih khawtlai loh tur a ni.
Emergency nilo zai turte chuan nihnih aia reilo chhunga Covid-19 Negative Certificate an nei tur a ni a, an neiloh chuan test nghal tur a ni. Test hi sorkar pawmpui hmun dangah pawh tih theih a ni ang.

Damlo admit kher ngai lo heng Endoscopy, Bronchoscopy, ECHO, Mamography, CT Scan, USG, EEG, TMT, PFT, IVU leh X-Ray (procedure rei bik) te hian Covid-19 Negative Certificate an nei ngei tur a ni a, X-Ray pangngai tur erawh chu test an ngai lovang.

 Dialysis ngai te:-

Pawn lam atanga lokal dialysis ngaite chuan ni hnih aia reilo chhunga Covid-19 Negative Certificate an nei ngei tur a ni a, an neihloh chuan test nghal tur a ni. Sorkar pawmpui hmun dang a test pawh pawm a ni.
Vawi tamtak dialysis tih nawn ngaite chuan kar hnih danah Covid-19 RAgT hi an ti ngei tur a ni.
Hospital dang atang damlo lo insawn te chuan ni hnih aia reilo chhunga Covid19 Negative Certificate an nei ngei tur a ni a, la test loh te chu Hospital luh dawnin an test ngei ngei tur a ni.

Damlo awmpui tu :-

Damlo awmpui tute zawng zawngin ni hnih aia reilo chhunga Covid-19 Negative Certificate an nei ngei ngei tur a ni a, an nei sa lo anih chuan test hmasak phawt tur a ni.

Damlo pakhatin awmpuitu pakhat chauh neih phal a ni a, lohtheihlohna avanga pakhat aia tam awmpuitu neih angaih chuan an vaiin Covid-19 RAgT tih vek tur a ni.
Awmpuitu inthlak a ngaih chuan duty te an hrilh hnuah, a rawn thlaktu tur pawh chu Covid-19 RAgT a ti ngei tur a ni.
Inhriatthiamna in damlo na zual bik chu Nurse duty phalna in, RAgT test kher lovin tlawh phal a ni anga, mahse minute 15 aia rei an awm tur a ni lo. Fimkhurna tur chi hrang hrang te an ngaipawimawh hle tur a ni.
Damlo investigation tih ngaih a vanga Department danga zawn/hruaitu chu in test kher angai lova, mahse fimkhur takin an che vel tur a ni. Face mask vuah leh kut sil te an ngai pawimawh hle tur a ni.

Damlo Hospital danga investigation tih ngaih vanga inphurh chhuah a ngaih chuan awmpuitu ngai khan a hruai mai tur a ni a, midang an kal ve dawn a nih chuan anni pawh RAgT anti ve ngei tur a ni.

Damlo boral an awm palhin a buaipuitu tura lokal te chu test an ngai lo a nga, mahse, fimkhur takin an che a nga, a reilo thei ang ber an awmpui ang.

Test nawn :-

Damlo emaw a awmpuitu emaw in Covid-19 damlohna ang chi a insawiselna thar a neih chuan a hma in lo Negative pawh nise Test nawn leh tur a ni.

RTPCR a test nawn chungchang:-

RAgT in a hmuhloh pawh nise rinhlelh leh insawiselna nei te chu ICMR kaihhruaina angin RT-PCR test tir tur a ni ang.

OPD damlo:-

OPD in entir tur a lokal Covid-19 natna anga insawiselna nei te chu RAgT tih vek tur a ni.

Hospital hnathawk te:-

Hospital a thawk te Covid-19 natna anga insawiselna nei te chu a ranglama RAgT tih vek tur a ni. Civil Hospital, Aizawl staff contact nei, quarantine ngai/ngailo te chu Covid-19 in-charge Dr. Zothantluanga leh Dr. Don S. Halliday ten an buaipui ang a. A tul anih chuan Hospital staff Wellness Programme Card neite chu a free-in test theih a

ni ang. Card neilo te chu free theih ani lovang.

7. Wellness Card neilo pawn lama contact neite chu mahni veng LLTF/Contact tracing team-ah an in report anga, LLTF te hmalakna in an mahni vengah an test tur a ni ang.

Note : Heng a chunga sawilan bak harsatna a awm anih chuan Covid-19 In-Charge Doctor’s ten en a tul angin an chingfel ang.