2766/2026-2027

Aizawl, 22 October 2026: Ex-Servicemen te leh an chhungten sum chawi ngai lo (Cashless) a an inenkawl theih nan Ex-Servicemen Contributory Health Scheme (ECHS) leh Civil Hospital Aizawl ten thawhhona thuthlung (Memorandum of Agreement) vawiin khan Senior Medical Superintendent Office, Civil Hospital Aizawl-ah an ziak.

ECHS member (Army, Navy, Air Force, Assam Rifles, Coast Guard, Territorial Army) ten he Memorandum hnuaiah hian Civil Hospital Aizawla an member damlote inenkawlna senso reng reng chu Cashless a kalpui tur a ni ang. Mizoram a awm Ex-Servicemen te leh an chhungte mi 13,000 bawr vel te tan a ṭangkai hle tura ngaih a ni.

He thawhhona thuthlung hi Dr. Lalchhuankimi, Sr. Medical Superintendent, Civil Hospital Aizawl leh Colonel Siddharth Chaki, Station Commander, Aizawl Military Station ten an ziak a ni.

Hetianga ex servicemen leh an chhungte inenkawlna tur thawhhona thuthlung hi ECHS chuan hospital dang pali - ZMC&H, MSCI, Synod Hospital Durtlang leh Aizawl Hospital & Research Centre te nen an lo ziak fel tawh bawk a ni.