2767/2026-2027

Lawngtlai, 22nd October 2026 : Vawiin khan Lawngtlai Bawrhsap Pu Donny Lalruatsanga kaihhruaiin a Office Chamber-ah 'Inplementation of PM Vishwakarma' chungchang sawiho a ni.

Pu Donny Lalruatsanga chuan PM Vishwakarma Yojana- chu India sawrkarin 17 September 2023-a a puan chhuah, Ministry of Micro, Small and Medium Enterprises (MSME) hnuaia scheme pawimawh tak, Kut themthiamte tanpuina tura duan a ni, a ti. Lawngtlai District- a kut themthiamten he hamthatna an dawn ve theihna tura hmalak a pawimawh takzet tiin theihtawp chhuah a nih thu a sawi a. PM Vishwakarma- hnuaia Trade -18 zingah Trade pahnih - Barber leh Carpenter kalpui tur leh Batch mumal taka kalpui tura dilna siam a nih tawh thu a sawi a ni.  Hlawhtling taka PM Vishwakarma kalpui tura thawk turin Commitee Member - te a chah nghal bawk.

PM Vishwakarma kalpui tura hmalakna tur kawng hrang hrangte sawiho a ni a. DCIO - in Trainee tur lo siamfel se, DC hnenah lo thehlut se, chumi mil chuan Training - hi Govt. Lawngtlai College - ah neih ni se an ti a ni. PM Vishwakarma- hnuaia mumal taka VC - te an in register theih nan hmalak ni se, heihi DC Office lamin lo buaipui se tih a ni. DCIO - in Loan pending - awm ang angte Lead Bank lamah lo thehlut se, a tul angin Lead Bank hian hma lo la se an ti bawk a ni.

PM Vishwakarma-  hnuaiah hian National Skill Development Corporation (NSDC) ten training hi an neihpui anga, Trainee - te hian nikhatah stipend Rs. 500 an dawng thin dawn a ni.

Thutkhawmah hian Addl. DC; DPO (UD&PA); ARDO (DRDO); DCIO; Lead Manager (SBI);LAO(LADC), LO (Chakma House)  te an tel thei a, Bawrhsap chuan lawmthu sawiin hun a khar.