Nimin leh vawiin khan Economics & Statistics Department buatsaih in District Research Officer’s Office Kolasib Training Hall ah Annual Training On Civil Registration System of Births & Deaths hun hman a ni a. Pi Sylvia Zomuanpuii Ralte, Chief Judicial Magistrate, Kolasib chu khuallian niin he hun hi a hmanpui.

Pi Sylvia Zomuanpuii chuan Registrar tin te an mahni bial theuhah an pawimawh zia sawiin, dik lo taka Birth leh Death Certificate Registrar ten an lo pek chhuah chuan an hna thlenghin a tawrh pha theih thu a sawi a. Tin, Birth leh Death Certificate hi nupa inthen leh rokhawm chung changah court-ah theh luh zel a ngaih thin avangin a pawimawh thu a sawi a ni. 

Vawiin programme hi  Pi H Lalremmawii DRO Kolasib chuan a kaihhruai a, Pu Lalbiaksanga Pachuau Joint Director, Director of Economics & Statistics, Aizawl  leh Pi SVL Nunnemi  Inspector of Statistics, Directorate of Economics & Statistics, Aizawl ten training an pe a. Pu Lalbiaksanga chuan, Registrar te an pawimawh zia a sawi a, in hmelhriat that vanga Birth & Death Certificate dik lo taka pek pawi zia thu a sawi a, Registrar te chu an hna rinawm taka thawk theuh turin a fuih a ni. Training hi kumtin buatsaih thin a ni a, he hunah hian Registrar te hriat tur pawimawh te sawi ho thin a ni.

Nimin khan Registrar tin te piang leh thi chhinchhiahna register, receipt leh Counter Foil endik na hna kalpui a nih bakah kumthar atana an hmanraw mamawh te sem chhuah ani bawk.