Vawiin chawhnu Dar 1:00pm khan DC Conference Hall Serchhipah Civil Sevices Day 2019 hman  a ni a, Good Governance chungchang zirhona hun atan hman a ni.

He hun hi Pu R Vanrengpuia SDO (Sadar) Serchhip chuan kaihruaiin Civil Service Day India rama hman tan dan a tarlanga. Kum 1947 ah khatih laia Union Home Minister Sardar Vallabhbhai Patel-an Administrative Service Officer Probationers te hnena thusawina a neih ni May ni 21 chu Civil Service Day anga hman chhunzawm a nih thu a sawi a. A ni hi April ni 21 ni mah se kuminah chuan MP Election te avangin ni 29 ah zawk kan hmang ta a ni, a ti.

He hunah hian Pu K Saitluanga, MIS, DIPRO Serchhip chuan sawrkar tha “Good Governance” tih thupui hmangin paper presentation a pe a. Sawrkar tha a awm theihna tura mamawh hrang hrangte chipchiar taka sawiin a thusawi behchhan hian kalkhawm te tan sawihona hun te hawn zui a ni.

Vawiina Civil Service Day hmanna ah hian Serchhip a Head of Office te an kal hlawm a ni.