DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/class-ii-contractors-assembly-pu-lal-thanzaran-a-hmanpui-2p

CLASS II CONTRACTORS ASSEMBLY PU LAL THANZARA’N A HMANPUI

Vawiin khan Parliamentary Secretary Pu Lal Thanzara’n Mizoram Class II Contractors Association General Assembly, Horticulture Conference Hall-ah a hmanpui.

Pu Lal Thanzara chuan Contractors te chu ram leh hnam tana hnathawktu an nih inhria a, ram tana rotling leh belhchian dawla hnathawk turin a ngen a. Sorkarin hmasawnna hna hrang hrang a thawh mek te tarlangin tun thal chhung hian a tam thei ang bera kawng siamthat tum a nih thu a tarlang.

Mizoram Class II Contractors Association hian Aizawl District-ah Member 138 an nei a, Saiha District-ah 51, Lunglei District-ah 47, Kolasib District-ah 9, Serchhip District-ah 5, Mamit District-ah 4 leh Champhai District-ah 2 an nei a ni.

Inkhawm hi an President Pu E. Thangkhuma’n a kaihruai a, Chief Engineer (Planning) Pu K. Lalsawmvela leh MUCO General Manager Pu Ramsangliana te pawhin thu an sawi. Mi harsa te tanpuina tur CM Relief Fund-ah Rs. 20,000 vawiin hian an hlan nghal bawk a ni.