Vawiin chhun dar 12 ah tanin Pu Subhir Singh IAS, Aizawl Bawrhsap kaihhruaina hnuaiah a office chamber ah department hrang hrang officer te nen inkawm hona (meeting) pawimawh tak neih a ni. He inkawmhona pawimawh tak ah hian sorkar hnathawk te leh mipuite inkarah eng anga thawhhona tha nge neih theih a ni ang tih zau taka sawi hona neih a ni.

Bawrhsap chuan sorkar department hrang hrang ten engang in nge mipui te hriattur an lo hriattir a, mipuite complaint na te engangin nge an lo dawnsawn tih te zawt in department hrang hrang ten an hma lo lak tawh dan te a zawt bawk. Zau taka sawihona neih a ni a, complaint box siam in emaw kawng hrang hrangin a hma theih ang ber a mipuiten sorkara an hriattur an hriat theih dan department ten ruahman in a buaipui tu tur bik nodal officer te pawh dah nise tih a ni. Mipui ten an hriat duh leh complaint na te chu a rang thei ang ber a hriattir leh hrilh hriat nise tih a ni bawk. An hriattir dan chungchang erawh chu department hrang hrang ruahmanna ah innghat in record fel tak nen dah nise tih a ni. Bawrhsap chuan sorkar hnathawk ten kan target ber chu mipuite an nih avangin mipuite tan theihtawp chhuah theuh turin officer kalkhawmte a ngen a ni.