Vawiin khan Lawngtlai Addl. DC Office Chamber ah Joint Chief Electoral Officer Pu FJ Liantluanga hovin Lawngtlai District a Electoral Roll Purification and Authentication Programme kalpui mek chu thlir ho a ni a, thil pawimawh hrang hrangte inhrilhfiah nghal a ni bawk.

Election Commission of India in ruahmanna a siam angin kumin 15 January a Roll Publication neih a nih hnu atang khan National Electoral Roll Purification and Authentication Programme kalpui chhunzawm a ni a. He programme hnuaiah hian khua leh tui ten Electoral Roll a an hming leh an nihna dik tawklo/fel tawklo te an thlak dik theih nan BLO tinah Special Camp buatsaih mek a ni.

He programme kalpui mekah hian District thenkhat, inkalpawhna leh inbiakpawhna lama harsatna tawkten hma an lak dan leh an kalpui zel dan turte sawipuii Joint Chief Electoral Officer hian hma a la mek a, Lawngtlai District ah pawh vawiin hian Election lam buaipuitute leh EROleh AERO te nen sawiho na an nei a ni.