Vawiin chawhnu dar 1:00 khan Lunglei Saikuti Hall-ah Pu C.Lalhmingmuana, Chief Organiser Clean Lunglei, Sanitation Volunteer kaihhruaina in Clean Lunglei Launching and Awarness hun hman a ni.

Pu Joseph Lalhimpuia, Vice Chairman HPC Lunglei leh chairman Clean Lunglei committee ni bawk chuan thusawiin Lunglei khawpui alofai a, alo mawi leh alo thianghlim nan a hma latu Lunglei Bawrhsap, UD & PA Deptt. YMA, MHIP, MUP, MKHC, VC te leh official te chung ah lawmthu a sawi a. Pi leh Pu te hunlai in mizo te chu mihuaisen hnam leh mitlawmngai kan ni a, kan hmachhawp te midang mawhphurhna ah dahlovin mahni in kan ti thin a, Lunglei alo fai theih nan UD & PA te chauh ringlova naupang atanga puitling thlengin Lunglei tifai turin i thawk ang u. Lunglei khawpui in hma alo sawn theih nan tihtur kan nei a chu chu kawngpui ah te bawlhhlawh paih mai mai lovin ti faitu nih i tum theuh ang u, a ti bawk.

Pu V.Sapchhunga IAS, DC Lunglei leh Co-Chairman Clean Lunglei Committee pawhin thusawiin Pu Mahima’n bul alo tan a, mawhphurhna chelhtu ten phur taka hma anlo lak avangin ropui a tih thu a sawi a, Mizoram pum a fai ber kan nih theih nan bul tantu kan ni hi entawntlak a hna thawk theuh turin volunteer te chu a chah bawk a ni. Tin, Volunteer te tih vek tur ah dah loin mitin ten mawhphurhna kan neih theuh a ni, a ti bawk.

Pu R.L Zidinga Dist. UD&PA officer leh Secretary Clean Lunglei Committee nibawk chuan report a pe bawk a ni.