Vawiin chawhnu dar 1.00 khan Brig. C. Vankunga Shopping Centre Conference hall, Diakkawn-ah Faina Hapta kharna inkhawm Kolasib DC Pu Jitender Yadav hovin hman a ni.

Kolasib DC chuan, "Faina Hapta chhunga Kolasib mipuite, VC leh NGO-ten sawrkar in thlawp that avangin in chungah lawmthu ka sawi a. Faina hi hapta khat thil mai a ni lova, India Prime Minister Pu Narendra Modi-an 2nd Octoer, 2014-a Swachh Bharat Abhyan (Clean India Mission) a hawn tak angin, kumpui lingleta fai tura tan kan lak chhunzawm zel a pawimawh a ni" a ti. India rama faina lama mipuiten rilru leh tha an sen tam em emna hmuna Deputy Commissioner hna a chelh chu vannei a intih thu Kolasib DC chuan sawiin, 'Faina chungchang hi rual u zawkten kan tu leh fate kan zirtir chhawng zel tur a ni" tiin kalkhawm te a chah a ni.

Faina Hapta chhunga inelnaa lawmman la te hnenah thuziak leh pawisa pek an ni a. Lawmman dawngtute chu hengte hi an ni:

Office fai: 1. Kolasib Post Office  ; 2. Mizoram Excise & Narcotics ; 3. Minor Irrigation.

Veng fai: 1. Tumpui Veng  ; 2. Electric Veng  ; 3. College Veng

School (High School chin chunglam): 1. Govt. Kolasib H/S  ; 2. HT H/S  ; 3. C.M. H/S

Middle School chin leh a hnuailam: 1. Govt. TS Luaia M/S, Rengtekawn  ; 2. Govt. Diakkawn M/S  ; 3. Govt. Primary School -X te an ni.

Vawiina Faina Hapta kharna inkhawm hi Pu C.T. Mawia, President, Sub-Hqrs. YMA, Kolasib chuan a kaihruai a ni.