Vawiin chawhma dar 11:00 khan DC’s Conference Hall, Siaha-ah Faina Hapta kharna hun hman a ni.

He Programme hmanna ah hian Pi Marilyn Rualzakhumthangi, SDO(S) chuan a kaihruai a, Pu RT. Zachono, CEM, MADC, Siaha chuan khuallian niin he hun hi a hmanpui a, Pi Harleen Kaur IAS, Deputy Commissioner, Siaha District, Siaha chuan khualzahawm niin he Faina Hapta kharna hun hi a hmanpui bawk a ni.

Faina Hapta kharna Programme ah khuallian Pu RT. Zachono chuan thu sawiin Thianghlimna hian hawihawmna leh duhawmna ah min siam a, rilru leh taksa lam thianghlimna hian kan hriselna-ah nghawng thui tak a neih a ni a ti a, Thianghlimna hi kan tih makmawh a ni a, sual nih lovin Pathian anna a ni zawk a ni a ti a, Isreal fate pawh kha Pathian in lei laih khuarah chauh ek a lei bawka chhilh leh turin a ti a ni tiin Fai turin Pathian in min duh a ni a ti bawk.

He Faina Hapta kharna hun ah hian Pi Harleen Kaur IAS, DC, Siaha te Pu Dr K. Rakhu, Medical Officer te Pu T. Chatlua, President MTP(H) leh Swatchh Bharat Brand Ambassador leh Pu K. Hrahmo, EM, LAD ten thu sawina hun an hmang bawk a ni.

He Faina Hapta kharna hun ah hian Faina lam hawi lawmman chi hrang hrang siam niin Veng fai berah Meisavaih ‘W’ thlan niin pahnihna ah Meisavaih’E’ leh pathumna ah Meisatla-I te thlan niin, Institution ah District Institute of Education & Training (DIET) Siaha chu pakhatna niin, pahnihna ah Govt. P/S-I Meisavaih’E’ leh pathumna ah Govt.P/S Council vaih te thlan an ni a, Office fai berah District Jail chu pakhatna niin pahnihnaah PWD leh pathumnaah BDO Office, Siaha te an ni a, Restaurant fai lamah chuan Doulous Restaurant chu pakhatna niin pahnihnaah Dino Restaurant leh pathumnaah South Gate Restaurant te chu thlan an ni bawk a, Best Editorial-ah Chhim Aw chu pakhatna niin pahnihnaah Moonlight leh pathumnaah Maraland te chu thlan an ni bawk a ni. Heng lawmman te hi khuallian Pu RT Zachono, CEM, MADC chuan a sem a ni.

He Cleanliness Week kharna Programme hi Pu N. Chakhai, Additional Deputy Commissioner, Siaha chuan lawmthu sawina neih in he hun a tihtawp ta a ni.