Faina Hapta 2016 dt 1-7 Oct chhunga hman dan tur vawiin khan D.C Conference Hall Mamit-ah Pi Lalbiaksangi, Chairman District Level Cleanliness Week Committee/ District Bawrhsap hovin rel a ni.

Meeting-ah hian kumin Faina Hapta chu hlawk leh tangkai taka hman leh ni se tih a ni a, faina kawnga beihpui thlak dan tur ruahmanna hrang hrang siam a ni. Faina Hapta 2016 hawnna hun hman dan tur sawiho a ni a, ni 1 Oct ah Hapta hawnna hun hi khawpui chhunga veng hrang hrang te chuan YMA leh V.C kaihhruaina in mahni remchan dan angin lo hmang se tih a ni, school bik tan ni 1 Oct hi chawlh a nih avangin Hapta chhungin an remchan dan angin lo hmang se tih a ni bawk.

Hapta pual hian vengfai leh school fai lawmman siam leh ni se tih a ni a.Vengfai thlan chhuah lawmman pakhatna atanga pathumna thlenga siam a ni leh dawn a ni, lawmman pakhatna atan hian 7000, pahnihna 5000 leh pathumna 3000 a ni ang. School fai lawmman a tan hian hetiang hian lawmman ruahman siam a ni bawk. Lawmnan pakhatna 5000/- pahnihna 3000/- leh pathumna 2000/- a ni bawk ang. Vengfai leh school fai in elna endik tu turte committee hian a ruat nghal a, endikna result hi ni 5 oct aia tlai lovah thehluh ni se tih a ni.

Cleanliness week kharna hi dt 7 Oct ah DLAO Conference Hall-ah hman ni se tih ani a, hetah hian in elna hrang hranga lawmman te hi sem nghal a ni ang.

Meeting-ah hian District Level Cleanliness Week Committee member te an tel a ni.