No.2402/2021-2022

Aizawl the 30th September, 2021 : Vawiin khan Cleanliness Week, 2021 hmalakna kal zelah UD&PA, Department Mamit buatsaihin Waste to Art Exhibition, Mamit Bazar Veng-a neih chu Dr. Lalrozama, IAS, Chairman District Level Cleanliness Week Celebration Committee/District Bawrhsap chuan a tlawh.

District Bawrhsap chuan bawlhlawh paih mai tur hmang tangkaia, thil mawi leh tangkai siamchhuaka pholanna hun buatsaih a ni chu lawmawm a tih thu a sawi a, he hun buatsaihtu UD&PA Department-te chungah lawmthu sawiin mitin te'n faina kawnga hma kan sawn a, kan theihna zawn theuhah tan la thar zel turin a sawm bawk.

Vawiin Waste to Art Exhibition, Mamit Bazar venga, bawlhlawh paih ral mai tur thil tangkai leh mawi zawka pholanna hun ah hian mi 60 in an thilsiam chhuah an entir a. Thil siamchhuah te hi mipui tan lei theih a ni dawn a, Covid - 19 SOP zawm chunga mipuite he Exhibition hi chhim tura sawm kan ni a. Waste to Art Exhibition a phochhuahte hi lawmman siamsak an ni dawn bawk a ni.

Kumin Cleanliness Week, 2021 thupui atan hian 'Faina kan in leh a chhehvel atangin' tih chu hman a ni.