No.2403/2021-2022

Aizawl 30th, Sept' 2021: Vawiin khan District Urban Development Officer,(DUDO) Urban Development & Poverty Alleviation Department buatsaihin Convention Centre, Lungleiah Azadi Ka Amrit Mahotsav hmanna kal zelah Lunglei khawpui chhunga VC te t Faina Digital Mobile Apps zirtirna pek an ni. He hun ah hian Azadi Ka Amrit Mahotsav hnuaia Lunglei District Brand Ambassador Pensy B. Lalthangliani pawh in a telpui a ni.

Pi Vanthangpuii, District Urban Development Officer, UD&PA Department Lunglei chuan Azadi Ka Amrit Mahotsav - India ram zalenna kum 75 na tlin lawmna kal zel ah Lunglei khawpui chhunga VC te tan Faina Digital Mobile Apps hmangin zirtirna pek a ngaih thu a sawi a. He zirtirna hi Swachh Shauchalaya Application training na niin vantlang ekin/zunin enkawltu ten ekin/zunin fai that leh that loh report an pekna Apps a ni a. Hei hi Happiness Feedback Apps tiin an sawi bawk thin. He Digital Mobile Apps ah hian vantlang inthiarna hmang tu chuan ranking pein vantlang inthiarna a fai leh fai loh hi Apps hmangin Sawrkar Laipui Ministry of Housing and Urban Affairs ah feedback an pe thei dawn a ni. Hei hi Lunglei khawpui in ODF+ kan neihna tur atan tehna pawimawh tak pakhat ani dawn a ni a ti bawk.

Digital Mobile Apps zirtirna hi Pu Eddie Zonunkima, SDS leh Pi Lalruatkimi, TSI ten an kaihruai a ni.

Attachment

  • Loading attachment...