Small Industries Development Bank (SIDBI ) bultumin Sacred Heart Society chuan Serchhip District huam chhung atan ‘Cluster Development Programme on Carpentry’ chu an huaihawt a, vawiin khan a hawnna inkhawm chu Multi-Purpose Building, Tlangnuam, Baktawng-ah neih a ni. Hawnna inkhawm Serchhip D.C. Pu Darzika kaihruaiah hian Industries Minister Pu S.Hiato chu Khuallian niin Parliamentary Secretary Pu H.Zothangliana leh Bialtu MLA Pu K.Lianzuala ten an tawiawm a ni.
Khuallian Industries Minister chuan thu sawiin Pathian-in leilungah hausakna tam taka dahte haichhuah hna hi mihringte mawhphurhna a ni a, he thuneihna kan kuta awm hi kan hman thiam a ngai a ni, a ti. Mizoram chu hmasawnna kawngah chak zawka a kal theih nan sorkarin theihtawp a chhuah zel a, mipuite pawh thahnemngaihna chang hriaa intodelh tum a tul a. Thenawm ram leh state ten Mizoram an en thup a, chuvangin hlawhtling tak tak tur chuan khawi lai nge kan tlakchham a, kan siamthat ngai inen a pawimawh a ni, a ti. Baktawng khua chu fakin Minister chuan sorkar tanpuina tel miah lova khaw intodelh an ni chu entawn tlakin a chhuanawm hle a ni tiin sorkar pawhin an khaw tan hamthatna hrang hrang ngaihtuahsak a tum zel tur thu a sawilang bawk. Mizoram sorkar programme pawimawh tak pakhat NLUP chuan chhungkaw 1,20,000 a huam tur thu sawiin Pu Hiato chuan vawiina Carpentry Training an neih hian NLUP-a an eizawnna an thlanna turah pawh thui takin a puih ngei a beisei thu leh hlawhtling taka he Cluster Development Programme on Carpentry neih a nih theih nan duhsakna a hlan a ni.
Parliamentary Secretary Pu H.Zothangliana leh Bialtu MLA Pu K.Lianzuala pawhin thu an sawi a. Hmasawnna thlenpui tak tak turin mipuiin sorkar an rin ngam ang bawkin mipuite pawh rinawm an nih a ngai a. Hlawhtlinna atana pawimawh ber chu taimakna leh rinawma a ni a, Baktawng khua mipuite entawntlak khawpa an intodelh theihnaah zirtur tam tak a awm a. Tunah hian Baktawng atanga furniture leh bungbel siamte chu India hmarchhak mai bakah ram pawn Bhutan leh Nepal-ah te hial hralh a ni tan ta a, he training hian an sumdawn chhoh zelna turah a puih ngei an beisei thu an sawi a, duhsakna an hlan.
Guwahati atanga lo kal SIDBI General Manager Pu S.S.Bakshee pawhin thu sawiin India hmarchhak state te chu state dangte aiin an hnufual avangin SIDBI-in a tum ber chu he biala mipuite tan scheme hrang hrang kaltlanga, loan tenau pek a, chawikan chhoh zel a ni, a ti. Hmarchhak bialah chuan mau leh hnang tah, handloom, carpentry, tailoring leh terracotta pottery a hlawhtling viau zel a, SIDBI pawhin vawi duai lo training a pe kual tawh a. Vawiina training hian furniture siam lam ai mahin Baktawng khaw mipuiten an sumdawnna huang tizauh dan tur leh sum leh pai vawn thiam zawk dan tur inzirtir a ni, a ti.
SIDBI hi kum 20 vel ding tawh a ni a, India hmun hrang hrangah Branch an neiin a bik takin mi harsa zualte loan tenau Small & medium loan lampang an pechhuak thin a. SIDBI headquarters hi Lucknow-ah a awm a ni.
Parliamentary Secretary Pu H.Zothangliana leh Bialtu MLA Pu K.Lianzuala pawhin thu an sawi a. Hmasawnna thlenpui tak tak turin mipuiin sorkar an rin ngam ang bawkin mipuite pawh rinawm an nih a ngai a. Hlawhtlinna atana pawimawh ber chu taimakna leh rinawma a ni a, Baktawng khua mipuite entawntlak khawpa an intodelh theihnaah zirtur tam tak a awm a. Tunah hian Baktawng atanga furniture leh bungbel siamte chu India hmarchhak mai bakah ram pawn Bhutan leh Nepal-ah te hial hralh a ni tan ta a, he training hian an sumdawn chhoh zelna turah a puih ngei an beisei thu an sawi a, duhsakna an hlan.
Guwahati atanga lo kal SIDBI General Manager Pu S.S.Bakshee pawhin thu sawiin India hmarchhak state te chu state dangte aiin an hnufual avangin SIDBI-in a tum ber chu he biala mipuite tan scheme hrang hrang kaltlanga, loan tenau pek a, chawikan chhoh zel a ni, a ti. Hmarchhak bialah chuan mau leh hnang tah, handloom, carpentry, tailoring leh terracotta pottery a hlawhtling viau zel a, SIDBI pawhin vawi duai lo training a pe kual tawh a. Vawiina training hian furniture siam lam ai mahin Baktawng khaw mipuiten an sumdawnna huang tizauh dan tur leh sum leh pai vawn thiam zawk dan tur inzirtir a ni, a ti.
SIDBI hi kum 20 vel ding tawh a ni a, India hmun hrang hrangah Branch an neiin a bik takin mi harsa zualte loan tenau Small & medium loan lampang an pechhuak thin a. SIDBI headquarters hi Lucknow-ah a awm a ni.
