4th Inter District Women Hockey Tournament Mamit GSA Play Ground ni 16.3.2010 a khelh tan chu Inrinni (20.3.2010) dar 11 khan  Pu A Biaklawma DC Mamit chuan kharna  a nei.

 

 

Kharna hun hi Pu H.Vanlalhruaia’n kaihruaiin. Khuallian Pu A.Biaklawma chuan thusawiin, Mizo thalaite infiamna hrang hrang ah kan feh chhuak thin, kan vanglai kan hmang dawn chauh emaw tih laiin ruihlo avangte  leh thildang avangtein kan tla hniam leh mai thin. Tun ah hian bul kan tan chauh kan ni tih hriain thahnem ngai taka kal zel tur kan ni a, Infiamna kawngah tuna mite hi nakin hun lo la kal zel tur hriltu innih hrereng tur leh in naute  entawn mek inni tih inhriat a pawimawh ani tiin, Champion zawk te pawn chak dan thiam a, chaklo zawkte pawhin tawrh thiam angai ani ati.

He hun ah hian Pi Zothankimi President MWHA (Mizoram Woman Hockey Association) chuan lawmthu sawina a nei bawk.

He Tournament ah hian, Aizawl, Aizawl East, Mamit, Serchhip, Lunglei, Lawngtlai, Kolasib, Champhai an tel thei ani, First Round ah League system in khelh a ni a, Semifinal ah Serchhip District leh Lunglei intumin, Aizawl leh Kolasib ten khelin, Final ah Aizawl District hian Serchhip District chu goal khat a hnehin Aizawl District Hmeichhia te chu thiamber niin, Rs 20,000 leh Trophy lain, Serchhip hian, Rs 15,000 leh Trophy lain, Pathumna Kolasib District in Rs 12,000 leh Trophy an la ani.

He Tournament chhung hian, Best Player ah Lalhmingmawii Serchhip District niin, Best Defender ah R.Lalnunsangi Serchhip District, Best Goal keeper ah Lalchhandami Serchhip District, Best Midfielder ah Lalsawmpari Serchhip a ni.

District , Best Fighter ah Lalmuanawmi Aizawl East, Best Stiker ah Lalhmingmawi Serchhip District Goal 12 vawluttu Lalhmunsiami Lunglei  District chu Top scorer ani.

First Round atanga Final thleng in Goal 64 ani.