Vawiin 3.12.2012 dar 11:30am khan Chief Minister Pu Lal Thanhawla hovin a pisaah Pu Lalrinliana Sailo, Health Minister, Pi Esther Lalruatkimi, Secy. Health, Dr. Ramfangzaua, Director, H&FW, Dr. Lalrinliana Sailo, Director, H&MEdn., Dr. Gordon Zohmingthanga, Mission Director NRHM leh Dr. C. Lallunghnema, Dy. Director, AYUSH te nen Falkawn Referral Hospital-a Aizawl Civil Hospital extend dan tur leh a hmunhma buatsaih leh a hawnni turte sawihoin an ruahmana. Ni 10.Dec.2012(2:00pm) ah Chief Minister-in Aizawl Civil Hospital extension chu Falkawn Referral Hospital ah hawng se, an ti.

Ayush Hospital khum 50 awm theihna tur Thenzawl a sak tur pawh sawiho a nia, sum a lo thlen tawh avangin Tender chhuah nghal a ni. Tin, Autonomous District Council Pathum ram chhunga raicheha thi leh nau pianghlim thi a la tam deuh avangin a bika enkawl nise, hmeichhe lam thiam bik doctor-te pawh dah ni se, an ti. Hei bakah hian hriselna lam thu pawimawh tak tak sawiho a ni bawk.