Pu P C Lalthanliana, Social Welfare Minister chuan World Disable Day 2012 Social Welfare Directorate Conference Hall-a neih chu a hmanpui. Inkhawm hi Pi Vanlaldini, Director, Social Welfare in a kaihruai a, Pu Ranbir Singh, IAS, Secretary Social Welfare chu khualzahawm a ni.
Minister chuan Person with Disable Commissioner ruat chungchangah thahnemngaihna leh induhthawhna avanga NGO thenkhatten sorkar hriat tur leh mipui hriat tura Press Release te leh Press conference te hial koh chungchangah a mimal anga min en chuan kei Social Welfare Minister ngei pawh hi social welfare la tur hian ka tling tawk lova, chutiang bawk chuan Commissioner pawh hi a mimala en chuan tlin tawk lohnate pawh a nei ang tih ka ring a, amaherawhchu, disability person pual liau liaua Commissionerate kan nei thar ta hi lawmna chang kan hriat tlan zawka lungrual tak leh pheikhai rual zawka kal tlan kan tum hi ka duh em em a ni, a ti. Pu Lalthanliana chuan rualbanlote hmusit mai lova hmangaihna thar nen en turin mipuite a chah a, rualbanlote enkawltu tlawmngai pawl hrang hrangte leh mimal thahnemngaite chungah Minister chuan lawmthu a sawi a.
Minister hian Pu Kapthianga, Electric Veng ( Wheelchair User), November thla a National Rifle Shooting Championship neih a Gold Medalist chu Cheng 20,000 leh certificate a hlan a, Pu Lalnunsanga, Ramhlun North ( Amputee), Comedian Search a pakhatna hnenah cheng 5000 leh certificate a hlan bawk.
Khualzahawm Pu Ranbir Singh pawhin thusawin rualbanlote tana hmathatna hrang hrang sawrkarin a buatsaih chu a sawilang a ni. Tunah hian 2011 Census a landan in Mizoram ah rualbanlo 16,011 an awm ani.
National Handicapped Finance Development Corporation (NHFDC) hnuaih pianphunga rualbanloten mahnia eizawnna kawng an dap theihna tur leh an intodelh ve theihna turin Mizoram sorkar chuan Mizoram Rural Bank chu State Chanellising Agency (SCA) atan a hmang a, Pianphunga rualbanlo zingah mi 122 te chu District 8(riat) a MRB Branch 10 atangin loan la thei tura thlan chhuah an ni a, 2011-2012 chhung khan Handicapped Vocational Training Centre, Aizawl leh Lunglei atangin mi 85 an zirchhuak.
