Vawiin chawhnu dar 2:00 khan Chief Minister Pu Lal Thanhawla hovin Cabinet committee room ah MIFCO awihnun dan tur rel a ni.

Committee chuan, MIFCO awinung leh tur hian NLUP atangin sum a puih chhunzawm nise, tuna sapthei chingtute sapthei hralhna bat pawh pek nghal vek a, hralh tur neite ta pawh lei chhunzawm zel ni rawh se, tih a ni.

MIFCO hna pawimawh tak dik tak leh hlawk zawk a kalpui anih theih nan, Managing Director, Full time a thawk tur dah rawt a ni a, C.M chuan mithiam leh rinawm, taima taka MIFCO khai chhuak tura hnathawk tur sawm nise, a tih chu meeting chuan tha an ti.

MIFCO chhunga Delegation of Financial Power kalphung pawh siam danglam nise, MIFCO Chairman hriatpuina a thil tam zawk kalpui tawh nise tih rel a ni bawk.

CM chuan NLUP Lines Department nilo ho department dangte hian NLUP hi Sawrkar Flagship Programme anih hi hre nawn leh se, NLUP hnathawk ho te lo tawiawm tha thin se tih a sawi nawn.

Meeting chuan NLUP Nodal Officer te Head of Department (HoD) nen thawh hona tha neise, NLUP Nodal Officer te Junior zawk pawh nise an hnathawhna ah harsatna neilo tura beisei an nih thu an sawi bawk.

WRC I & II leh Fisheries ten 2nd Phase 1st Installment ah Rs. 60000 (Singruk)aia tlemlo an dawn tur thu leh January/February hma in pek nise, Trade thenkhat 2nd Phase 1st Installment pawh pek tan nise tih an rel. He meeting hian Chief Minister’s Special NLUP scheme siam nise tih an rel a, he scheme ah hian chhumchhia (mi rethei leh thawk thei silo) te tan NLUP sum Bank a dah pung (interest) atangin tanpuina pek nise tih an rel a, mi tamtakin an tangkaipui ngei beisei a ni.

He meeting hi Chief Minister, Pu Lal Thanhawla bakah Finance Minister Pu H. Liansailova , Industries Minister Pu S. Hiato , Pu Lal Thanzara, Parliamentary Secretary to CM , Pu P.L. Thanga, Vice Chairman NIB, Pu P.C. Lawmsanga Principal Secretary ( Industries ), Pu C. Lalruata, Chairman MIFCO, Director Horticulture, Industries Officer leh NLUP Implemneting Board Official te an tel a ni.