Vawiin khan Chief Minister Pu Lal Thanhawla chuan Model School hmunhma a enfiah a. Education Minister Pu Lalsawta leh bialtu MLA Lt.Col. Z.S. Zuala ten an tawiawm a ni.

August ni 29, 2010 khan Model School Building thenkhat leiminin a tichhia a, Class Room pathum lai delh chhia in, Class Room pakhat dang thiah a ngai a. Heng avanga School in harsatna a tawh te leh khawtlang in harsatna an tawh te CM hian a hmunah a enfiah a. Model School zirtirtute, Mission Veng VC, YMA leh khawtlang hruaitute nen inkawmhona hun hmangin harsatna khawtlang leh zirlaiten an tawh  chi hrang hrang sutkian dan tur an sawi ho a ni.