Mizoram Politician zinga langsar tak pakhat leh hun engemaw chen Cabinet Minister lo ni tawh Pu J. Lalsangzuala chuan a dam laia ama chanchin a ziak chu lehkhabu ah siamin vawiin khan a pian cham pha phak pualin  Mizoram MP Pu C.L. Ruala chuan Aijal Club a inkhawm buatsaih ah a tlangzarh.

Lehkhabu tlangzarh tu Lok Sabha MP chuan Pu J. Lalsangzuala hi mi ropui a ni tiin a nun chu a taka midangte tana hmang thin tu a ni a, a mi ngaihsan  a nih thu a sawi. Pu C.L Ruala chuan kum 40 chuang zet party leh sawrkar lamah an lo thawh dun atang chuan amah Pu J. Lalsangzuala chu mi taima, mi rinawm leh midang te hnenah ngilnei thin a ni a ti.

He lekhabu tlangzarhna inkhawm-ah hian Minister leh MLA thahnem tak bakah Sawrkar officer leh Pu J. Lalsanzuala chhungte an tel bawk a ni.

J. Lalsangzuala Autobiography buatsaih chho dan tlangpui Pu Rinsanga IAS (Rtd.) in a sawi a, a bu chhung thu thlir zauna hun Dr. J.V. Hluna'n a hmang thung.